საერთო-საჯარისო ტაქტიკური ჯგუფები

NPLG Wiki Dictionaries გვერდიდან

გადასვლა: ნავიგაცია, ძიება

საერთო-საჯარისო ტაქტიკური ჯგუფები – დროებითი სამხედრო ფორმირებები, რომლებიც იქმნება ტაქტიკურ რგოლში საერთო-საჯარისო ბრძოლის საწარმოებლად. საერთო-საჯარისო ტაქტიკური ჯგუფების შემადგენლობა დამოკიდებულია დასახულ საბრძოლო ამოცანაზე, ადგილზე საბრძოლო წყობაში, ვითარებაზე და სხვა.

მათ საფუძველს, ჩვეულებრივ, შეადგენენ მოტოქვეითი (მექანიზებული), სატანკო (ჯავშანსატანკო), საჰაერო-სადესანტო, აერომობილური და ა.შ. ნაწილები და ქვედანაყოფები, რომლებიც გაძლიერებულია ჯარების სხვა გვარეობის და სპეციალური ჯარების ქვედანაყოფებით. დივიზიაში შეიძლება შეიქმნას ბრიგადის, ბრიგადაში (პოლკში) – ბატალიონის, ბატალიონში – ასეულის ტაქტიკური ჯგუფები. ზოგიერთი სახელმწიფოს (აშშ, დიდი ბრიტანეთი) სახმელეთო ჯარებში საერთო-საჯარისო ტაქტიკური ჯგუფების შექმნა განსაზღვრულია შენაერთების და ნაწილების ორგანიზაციულ-საშტატო სტრუქტურაში.

წყარო

ქართული სამხედრო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%A1%E1%83%90%E1%83%94%E1%83%A0%E1%83%97%E1%83%9D-%E1%83%A1%E1%83%90%E1%83%AF%E1%83%90%E1%83%A0%E1%83%98%E1%83%A1%E1%83%9D_%E1%83%A2%E1%83%90%E1%83%A5%E1%83%A2%E1%83%98%E1%83%99%E1%83%A3%E1%83%A0%E1%83%98_%E1%83%AF%E1%83%92%E1%83%A3%E1%83%A4%E1%83%94%E1%83%91%E1%83%98&oldid=52887“-დან

კატეგორია:

დროებითი სამხედრო ფორმირებები

პირადი ხელსაწყოები

შესვლა

ხელსაწყოები