სამეცნიერო-კვლევითი კინო
NPLG Wiki Dictionaries გვერდიდან
სამეცნიერო-კვლევითი კინო – სამეცნიერო კინემატოგრაფის ერთ-ერთი სახე. სასწავლო კინოსა ან სამეცნიერო-პოპულარული ფილმებისაგან განსხვავებით ასრულებს წმინდა გამოყენებით ფუნქციას და წარმოადგენს მეცნიერული კვლევის საშუალებას: კინოაპარატურა გამოიყენება როგორც მიკროსკოპი, ტელესკოპი, რენტგენის აპარატი და სხვ. იმის მიხედვით, თუ რა მიზანს ისახავს სამეცნიერო-კვლევითი ფილმი, იცვლება როგორც მისი ტექნიკა, ისე გამოყენების სფერო.