სამწახნაგა კუთხე
NPLG Wiki Dictionaries გვერდიდან
სამწახნაგა კუთხე – სივრცის ნაწილი, რომელიც შემოსაზღვრულია უსასრულო სამკუთხა პირამიდით. 
ამ პირამიდის წახნაგებს ეწოდება სამწახნაგა კუთხის წახნაგები, პირამიდის წვეროს – სამწახნაგა კუთხის წვერო, წახნაგების გადაკვეთის ნახევარწრფეებს – სამწახნაგა კუთხის წიბოები. წიბოები ერთმანეთთან ქმნიან სამწახნაგა კუთხის ბრტყელ კუთხეებს, წახნაგები – სამწახნაგა კუთხის ორწახნაგა კუთხეებს.
ჩვეულებრივ, განიხილავენ სამწახნაგა კუთხეებს, რომელთათვისაც ორწახნაგა კუთხეები π - ზე ნაკლებია, ე. ი. ამოზნექილ სამწახნაგა კუთხეს: ამოზნექილი სამწახნაგა კუთხის ყოველი ბრტყელი კუთხე ნაკლებია დანარჩენი ოროი კუთხის ჯამზე და მეტია მათ სხვაობაზე.
