სამხარაძე მამუკა
მამუკა როინის-ძე სამხარაძე − (დ.18.11.1970), ქართველი პოლკოვნიკი (2012).
დაიბადა ქ. რუსთავში. დაამთავრა ქ. რუსთავის მე-4 საჯარო სკოლა.
1991-1996 წწ. სწავლობდა ივანე ჯავახიშვილიივანე ჯავახიშვილის სახელობის თბილისის სახელმწიფო უნივერსიტეტში, აღმოსავლეთმცოდ- ნეობის ფაკულტეტზე.
1996-1998 წწ. ეწეოდა პედაგოგიურ მოღვაწეობას.
1998 წლიდან დღევანდელ დღემდე მსახურობს საქართველოს თავდაცვის სამინისტროში სხვადასხვა პოზიციაზე.
2004-2020 წწ. მცირე ინტერვალის გამოტოვებით, მივლინებული იყო თურქეთის რესპუბლიკაში საქართველოს თავდაცვის ატაშატში, ატაშეს თანაშემწის, ატაშეს მოადგილისა და ატაშეს თანამდებობებზე.
საქმიანობის ხასიათიდან გამომდინარე მონაწილეობას იღებდა თურქეთის რესპუბლიკასთან სამხედრო თანამშრომლობის დაგეგმვა-განხორციელებაში, აგრეთვე, წარმართულ მოლაპარაკებებში.
2020-2021 წლებში მსახურობდა თავდაცვის ძალების გენერალურ შტაბში.
2021 წლიდან ეწევა პედაგოგიურ მოღვაწეობას თავდაცვის ძალების სამეთაურო-საშტაბო კოლეჯში.
დაკავებულია აქტიური საზოგადოებრივი მოღვაწეობით, არის საქართველოს სამხედრო ისტორიის საზოგადოების მრჩეველთა საბჭოს წევრი.
დაჯილდოებულია თავდაცვის სამინისტროს უწყებრივი მედლებით - უმწიკვლო სამსახურისათვის (II და III ხარ.), მედლებით „გენერალი მაზნიაშვილი“ „ქაქუცა ჩოლოყაშვილი“ და „სამშობლოსათვის თავდადებული“ . შეაქვს ღირსეული წვლილი საქართველოს და კავკასიის სამხედრო ისტორიის შესწავლისა და პოპულარიზაციის საქმეში.
