საქართველო-დიდი ბრიტანეთის ერთობლივი დეკლარაცია, შეთანხმება
საქართველო-დიდი ბრიტანეთის ერთობლივი დეკლარაცია, შეთანხმება
საქართველოს რესპუბლიკის საგარეო საქმეთა სამინისტროსა და დიდი ბრიტანეთის და ჩრდილოეთ ირლანდიის გაერთიანებული სამეფოს საგარეო და თანამშრომლობის საქმეთა სამინისტროს დეკლარაცია
ხელმოწერილია 1993, ძალაშია ხელმოწერის დღიდან. დეკლარაციაში ორივე მხარეს გამოთქმული აქვს მზადყოფნა, ხელი შეუწყოს ორმხრივი და მრავალმხრივი სახის თანამშრომლობას პოლიტიკის, ეკონომიკისა და კულტურის სფეროებში. გათვალისწინებულია აგრეთვე შეხვედრები და კონსულტაციები საერთაშორისო და ორმხრივი ურთიერთობების საკითხებთან დაკავშირებით, რომლებიც ორივე მხარის ერთობლივ ინტერესებს წარმოადგენს, მხარეები ხელს შეუწყობენ ასევე ორივე ქვეყნის მოქალაქეებსა და ორგანიზაციებს შორის კავშირების დამყარებას.
შეთანხმება საქართველოს რესპუბლიკის მთავრობასა და დიდი ბრიტანეთის და ჩრდილოეთ ირლანდიის გაერთიანებული სამეფოს მთავრობას შორის კულტურის მეცნიერებისა და განათლების სფეროში თანამშრომლობის შესახებ
ხელმოწერილია ლონდონში, 1993 წლის 24 მაისს, ძალაშია ხელმოწერის დღიდან. შეთანხმება 16 მუხლისაგან შედგება. მხარეები დარწმუნებულნი არიან, რომ თანამშრომლობა განათლების, მეცნიერებისა და კულტურის სფეროებში ემსახურება საქართველოსა და დიდი ბრიტანეთის ხალხების უკეთ გაცნობასა და ურთიერთგაგებას. მხარეები წაახალისებენ ერთმანეთის ტერიტორიაზე კელტურისა და ინფორმაციული ცენტრების დაარსებას, ასევე ორი ქვეყნის პრესისა და საგამომცემლო ორგანიზაციების თანამშრომლობას. შეთანხმებაში მონაწილე მხარეები ხელს შეუწყობენ ეროვნული სიმდიდრის დაცვის ღონისძიებათა შესახებ ინფორმაციის გაცვლას, ტურიზმის განვითარებას, აგრეთვე ორივე ქვეყნის ახალგაზრდებისა და ახალგაზრდული ორგანიზაციების კავშირსა და პირდაპირ თანამშრომლობას, შეთანხმებაში მონაწილე მხარეების წარმომადგენლები, საჭიროების ან ერთ-ერთი მხარის მოთხოვნის შემთხვევაში, აღნიშნული ხელშეკრულების შესრულების მიმდინარეობის განხილვის მიზნით, შეიკრიბებიან ერთობლივი კომისიის ფარგლებში.
