საყურე (მცენარე)
NPLG Wiki Dictionaries გვერდიდან
საყურე – (Rhynchocorys elaphas [L.] Griseb.); ოჯახი: შავწამალასებრნი (Scrophulariaceae). ერთწლიანი ბალახოვანი მცენარეა, შებუსული. ღერო 30-60 სმ სიმაღლისაა, მარტივი ან დატოტვილი. ფოთლები მოპირისპირედ არის განლაგებული, თითქმის მჯდომარე, ფორმით მოგრძო, სამკუთხა-ლანცეტა ან კვერცხისებური. ყვავილები მარტოულია, იღლიური, ყვითელი, ხორთუმი რკალივით მოხრილია, რომელიც ბოლოვდება ფართო ფირფიტით. ყვ. ნაყ. VI-VIII. მცენარე გავრცელებულია ტყისა და სუბალპურ სარტყლებში, ბუჩქნარებში, ტენიან მდელოებზე. კახეთში მისი ნახვა შესაძლებელია სოფელ გომბორის მიდამოებში, ასევე თუშეთის დაცულ ტერიტორიაზე. ცნობილია თითქმის მთელ საქართველოში.
