საძირკვლის ფუძე
NPLG Wiki Dictionaries გვერდიდან
საძირკვლის ფუძე – გრუნტის მასივი განლაგებული საძირკვლის ქვეშ, რომელიც მასზე მდგარი შენობისაგან იღებს დატვირთვას. ის ორგვარია: ბუნებრივი და ხელოვნური. ბუნებრივი ეწოდება ისეთ ფუძეს (გრუნტს), რომელიც მოთავსებულია საძირკვლის ქვეშ და უძლებს მასზე აგებული შენობისგან გადმოცემულ დატვირთვებს, ხოლო ხელოვნური – ხელოვნურად დატკეპნილ ან გამკვრივებულს, რომელსაც ბუნებრივ მდგომარეობაში არ აქვს საკმარისი მზიდუნარიანობა მოცემული ჩაღრმავების პირობებში. საძირკვლის ფუძეზე გადაცემული დატვირთვა გრუნტში იწვევს დაძაბულ მდგომარეობასა და დეფორმაციას.