საჰაერო-მოიერიშე ფორმირებები
NPLG Wiki Dictionaries გვერდიდან
საჰაერო-მოიერიშე ფორმირებები − აერომობილური შენაერთები, ნაწილები და ქვედანაყოფები ვერტმფრენებზე, რომლებიც განკუთვნილია საჰაერო-მოიერიშე (სადესანტო-მოიერიშე) მოქმედებებისათვის. შეიქმნა XX საუკუნის 60-იან წლებში აშშ-ში, შემდეგ – სხვა ქვეყნებში.
აშშ-ში 1974 წელს 101-ე აერომობილური (საჰაერო-სადესანტო) დივიზია გარდაიქმნა საჰაერო-მოიერიშე დივიზიად, რომლის მთავარ დამრტყმელ ძალასაც შეადგენს საარმიო ავიაციის ბრიგადა. დივიზიას შეუძლია ერთ გაფრენაზე მოწინააღმდეგის ზურგში გადასხას საბრძოლო შემადგენლობის მესამედი, მიაყენოს დარტყმები ჰაერიდან, იმოქმედოს, როგორც ქვეითმა ჯარმა ვერტმფრენების მხარდაჭერით.