სიმონიშვილი ვარლამ
ვარლამ სიმონიშვილი – (4. VIII. 1884, სოფ. შემოქმედი, ოზურგეთის რ-ნი – 23.III. 1950, ქ. ოზურგეთი), ქართული ხალხური სიმღერის ოსტატი, თვითმოქმედი გუნდების ჩამოყალიბების ერთ-ერთი ინიციატორი. საქართველოს ხელოვნების დამსახურებული მოღვაწე (1946). 1902-იდან გალობას ასწავლიდა ოზურგეთის სასულიერო სასწავლებელში. ამავე პერიოდში დაუახლოვდა ფ. ქორიძეს, გაეცნო ევროპულ სანოტო დამწერლობას და დაეუფლა პროფესიულ ჩვევებს თვითმოქმედი გუნდის ხელმძღვანელობისათვის. 1903-იდან ჩამოაყალიბა გუნდები გურიასა და აჭარაში. ხშირად მართავდა კონცერტებს.
ვარლამ სიმონიშვილი ქმნიდა სიმღერებსაც („გაზაფხული“, „ძველი ხელხვავი“, „ადილა“, „დათვების ლხინი“ და სხვ. ს. ჩავლეიშვილთან ერთად – საჩონგურო სიმღერები „დილა“, „ახლა ვხედავ საყვარელო“, „საქართველოს მზე ეწვია“ და სხვ.). ვარლამ სიმონიშვილმა მრავალი მომღერალი აღზარდა.
