სომაზე ბრძოლა 1916

სომაზე ბრძოლა 1916 - I მსოფლიო ომის ერთ-ერთი უდიდესი ბრძოლა, 1 ივლისი – 18 ნოემბერი;

მდინარე სომაზე (ჩრდილო საფრანგეთი) ინგლის-საფრანგეთის ჯარები უშედე გოდ ცდილობდნენ გერმანიის პოზიციების გარღვევას, რათა ვერდენთან (ვერდენის ბრძოლა) ფრანგული არმიის მდგომარეობა შემსუბუქებულიყო.

სომაზე ბრძოლა ძალიან სისხლისმღვრელი აღმოჩნდა. ორივე მხარემ მოკლულთა და დაჭრილთა სახით დაკარგა 1,3 მლნ. კაცზე მეტი (ინგლისელები – 456 ათ., ფრანგები – 341 ათ., გერმანელები – 538 ათ. კაცი). მძიმე ზარალმა ორივე მხარეს შეარყია ჯარების მორალური მდგომარეობა.

სომაზე ბრძოლამ ცხადყო პოზიციური თავდაცვის გარღვევის შეუძლებლობა ფრონტის ერთ, შედარებით ვიწრო (40 კმ) მონაკვეთზე მეთოდური დარტყმების მეშვეობით.

სომაზე ბრძოლაში 1916 წლის 15 სექტემბერს ინგლისელებმა პირველად გამოიყენეს ტანკები.

წყარო

ქართული სამხედრო ენციკლოპედიური ლექსიკონი