სონგი
NPLG Wiki Dictionaries გვერდიდან
სონგი − (ინგლ. song), სოლო სიმღერა, რომლებიც ჩარუთული აქვს თავის პიესებში ბრეხტს. ეს სიმღერები ყოველთვის როდი შეესატყვისება სცენაზე მიმდინარე მოქმედებას. პირიქით, ზოგჯერ განგებ წყვეტს და „აუცხოებს“ მოქმედებას, თუნდაც იმით, რომ ავანსცენაზე სრულდება და უშუალოდ მაყურებლისადმია მიმართული. ბრეხტი საგანგებოდ ხაზს უსვამს მოქმედების შეწყვეტასა და სხვა სიბრტყეზე მის გადატანას: „სონგის“ შესრულების დროს ცხაურიდან ჩამოეშვება სპეციალური ემბლემა, ანდა სცენაზე ჩართავენ საგანგებო „სასონგო“ შუქს. სონგი იგივეა, რაც „რეპლიკა განზე“ (ტრადიციული დრამის ხერხი). ეს ძველებური თეატრალური პირობითობა „სონგის“ ფორმით ბრეხტის პიესებში ახალი მხატვრული თვისებითაა წარმოდგენილი. ბრეხტის პიესებში არსებითად ერთიდაიგივე მნიშვნელობისაა „სონგი“ და ქორო.
