სრული წინადადება

სრული წინადადება – წინადადება, რომელშიც დამთავრებული აზრის გადმოსაცემად აუცილებელი ყველა წინადადების წევრია წარმოდგენილი („პოეტის გული არ იფერფლება“. „სიხარულმა ფრთა გაშალა“. „მდინარის გაღმა ნაპირზე რამდენიმე კაცი მიათრევდა მოსასმელ ბადეს“). სხვა თვალსაზრისით, სრულია წინადადება, თუ მას არ აკლია არც ერთი მთავარი წევრი (ა. კიზირია, ა. დავითიანი). სრულ წინადადებას უპირისპირდება უსრული წინადადება.

ლ. კვანტალიანი

ლიტერატურა

• კიზირია ა. მარტივი წინადადების შედგენილობა ძველ ქართულში. თბ., 1963;
• მისივე, მარტივი წინადადების ტიპები წევრთა შედგენილობის მიხედვით და კომუნიკატივები, თბ. 1987;
• დავითიანი ა. თანამედროვე ქართული ენის სინტაქსი, თბ., 1996.

წყარო

ქართული ენა: ენციკლოპედია