სტავრიდების ოჯახი
სტავრიდების ოჯახი – Carantigae
ტიპი: ქორდიანები
კლასი: სხივფარფლიანი თევზები
რიგი: სტავრიდასნაირნი
ოჯახი: სტავრიდასებრნი
თევზების ოჯახი სტავრიდასნაირთა რიგისა. სხეული მეტ-ნაკლებად გვერდებიდან შებრტყელებულია, ძლიერ წვრილი ქერცლითაა დაფარული ან შიშველია. ზოგიერთ სახეებს სხეულის გვერდებზე გვერდითი ხაზის გასწვრივ ძვლოვანი ფარები აქვთ. ზურგის ორი ფარფლია, რომელთაგანაც მეორე პირიველზე ბევრად გრძელია და აგრეთვე ანალურ ფარფლზეც რამდენადმე გრძელი არის. ზოგიერთი სახის სტავრიდას ზურგის პირველი ფარფლი რამდენიმე პატარა ქიცვითა დაფარული. ანალური ფარფლის საწყისის წინ, ჩვეულებრივ ორი განკერძოებული პატარა ქიცვი აქვს. მუცლის ფარფლები მკერდზე, ან მკერდის ფარფლების ქვეშ, ანდა მათ ოდნავ უკან სხედან.
სტავრიდები მსოფლიოს ზომიერ და ტროპიკულ ზღვებში ფართოდაა გავრცელებული. მოიპოვება შავ, აზოვისა და იაპონიის ზღვებში. ცხადია, საქართველოს ფარგლებში გვხვდება შავ ზღვაში.
სტავრიდების ოჯახში მრავალი გვარი და სახეა; შავ ზლვაში გვხვდება ერთი გვარი, ერთი სახეობით.
