სტარუნიში

სტარუნიში – სვანეთში, სტარუნიშის მთის მწვერვალზე, სადაც წმიდა გიორგის საყდარი მდგარა, დღეს კი მხოლოდ ნანგრევები და ნიშია შემორჩენილი. ძველ დროში უცხოვრია წმიდა გიორგის ხატის მუდმივ მულზონს (მსახურს), გვარად გვიდიანს, ბებუშას შტოდან. მაშინ სტარუნიშზე მარადიული ზაფხული ყოფილა, ყინვა და სიცივე არ სცოდნია. ერთხელაც, ხატის მულზონი სხვაგან წასულა და ცოლისთვის დაუბარებია, ესა და ეს სკივრი არ გახსნაო. ქალს სულსწრაფობით სკივრი გაუხსნია და იქიდან სამი ჩიტი ამოფრენილა, რომლებიც თურმე ზამთრის მომყვანი ფრინველები ყოფილან... ამ ფრინველებს მოუყვანიათ სტარუნიშის წვერზე თოვლი, რომელიც არასოდეს დნება: მარადიულად ძევს და ძევს.

წყარო

მითოლოგიური ენციკლოპედია ყმაწვილთათვის (ქართული მითოლოგია)