სუფრული სიმღერები
NPLG Wiki Dictionaries გვერდიდან
სუფრული სიმღერები – საჯარო პურობის დროს სუფრაზე შესასრულებელი სიმღერები. ასეთებია: მრავალჟამიერი, სუფრული, ჩაკრულო, გვარის სიმღერა, სმური და ა. შ. თემატიკის მიხედვით სუფრული სიმღერები საკმაოდ მრავალფეროვანია. თითოეული მათგანი სხვადასხვა დანიმნულების ნადიმს ითვალისწინებს (საქორწილო, საძეო, სასტუმრო და სხვ.). ჟანრობრივად სუფრული სიმღერა უძველესი წარმოშობისაა და საქართველოს სხვადასხვა კუთხეში განსხვავებული კოლორიტით ხასიათდება. სიტყვიერ და მუსიკალურ კომპონენტთა ურთიერთობა გარკვეული თანაფარდობით არის მოცემული.
მდიდრად არის წარმოდგენილი სიმღერები, რომლებიც სტუმარმასპინძლურ ურთიერთობას ასახავენ:
- ჩვენი მასპინძლის სასახლე
- ტურფად ნაგები ხეაო,
- შიგ არის სმა და ღრეობა
- ნიადაგ კარი ღიაო.
გ. მეთეკაური
ლიტერატურა
- შ. ასლანიშვილი, ნარკვევები, I, 1954, გვ. 219-252.
- ხალხური სიბრძნე, ტ. IV, 1965, გვ. 432-441.
