ტანკსაწინააღმდეგო არტილერია
NPLG Wiki Dictionaries გვერდიდან
ტანკსაწინააღმდეგო არტილერია - სახმელეთო ჯარების არტილერიის სახეობა, რომლის დანიშნულებაა ტანკების და ჯავშნიანი მიზნების დაზიანება. ყველა სახის საბრძოლო მოქმედებაში უზრუნველყოფს ტანკსაწინააღმდეგო თავდაცვას. ასევე იყენებენ მოწინააღმდეგის თავდაცვითი ნაგებობების დასანგრევად, ცოცხალი ძალის და საცეცხლე საშუალებების დასაზიანებლად. მოიცავს საერთო-საჯარისო ფორმირებების ტანკსაწინააღმდეგო ქვედანაყოფებს და ნაწილებს. შეიარაღებაში აქვს ტანკსაწინააღმდეგო ქვემეხები, არაუკუმგორავი ქვემეხები, ტანკსაწინააღმდეგო სარაკეტო კომპლექსები.