ტორეს ნაარო ბართოლომე დე

ბართოლომე დე ტორეს ნაარო − (ესპ. Bartolomé Torres Naharro, დაბ. მე-15 ს. ბოლო მეოთხედი – გარდ. დაახლ. 1531), ესპანელი პოეტი და დრამატურგი. მისი პიესების უმრავლესობა „გამოგონილი კომედიებია“ – პიესები ფანტასტიკური სიუჟეტებით („ხასინტა“) და კომედიები გამოგონილი, მაგრამ სარწმუნო სიუჟეტით – „სერაფინა“, „ნადავლი“; პიესები „აკილანა“, „გიმენეა“, სადაც ასახულია სასიყვარულო თავგადასავლები, ღირსების და სიმამაცის სურათები, მომავალში იქცა „დაშნისა და წამოსასხამის კომედიის“ წინარესახედ. შექმნა ყოფითი კომედიებიც: „ჯარისკაცობანა“ და „საადამიანეთში“.

წყარო

მსოფლიო თეატრის ენციკლოპედიური ლექსიკონი