ტრიქონემა

ტრიქონემა – (Trichonema; ბერძნ. thrix, trichos თმა, ბეწვი + nema ძაფი), ნემატოდების გვარი; მიეკუთვნება Trichonematidae-ს ოჯახს, Strongylata-ს ქვერაზმს.

Trichonema insigne (ლათ. ნიშანი) – სახეობა, რომლის ლარვები პარაზიტობენ კენტჩლიქიანი ცხოველების ბრმა ნაწლავისა და კოლინჯის კედლებში, ხოლო ზრდასრული ფორმები – იმავე ნაწლავების სანათურში. ცნობილია ტრიქონემების 40-ზე მეტი სახეობა, რომლებიც ცხენის, სახედრის, ჯორისა და ჯორცხენას ტრიქონემატოზების აღმძვრელები არიან.

წყარო

სავეტერინარო პარაზიტოლოგიის ტერმინთა ლექსიკონი