უ ტანი

უ ტანი

უ ტანი – (ბირმ. ဦးသန့်; 22 იანვარი 1909 – 25 ნოემბერი 1974), ბირმელი დიპლომატი.

სწავლობდა რანგუნის უნივერსიტეტში. მეორე მსოფლიო ომის პერიოდში იყო განათლების სისტემის საკითხებში კომიტეტის მდივანი. დაკავებული იყო ჟურნალისტიკით. ომის დამთავრების შემდეგ იყო ხალხთა თავისუფლების ანტიფაშისტური პროპაგანდისტული ლიგის განყოფილების დირექტორი; 1947 – ინფორმაციის სამინისტროს პრესის განყოფილებაში გამგის მოადგილე; 1948 – მდივნის მოადგილე, შემდეგ მდივანი (მინისტრის მოადგილე) ინფორმაციის სამინისტროში; 1957-6061 – გაეროში ბირმის მუდმივი წარმომადგენელი; 1961 წლის ნოემბრიდან – გაეროს გენერალური მდივნის მოვალეობის შემსრულებელი, ხოლო 1962-71– გენერალური მდივანი, მონაწილეობდა ბანდუნგის 1955 და მიუმხრობელი ქვეყნების სახელმწიფოთა და მთავრობათა მეთაურების ბელგრადის 1961 კონფერენციებში. არის მთელი რიგი წიგნებისა და სტატიების ავტორი: „ქალაქები და მათი ისტორია“, „ერთა ლიგა“, „სახალხო თავისუფლების ანტიფაშისტური ლიგის ისტორია.“

წყარო

ქართული დიპლომატიური ლექსიკონი