ფანი
NPLG Wiki Dictionaries გვერდიდან
ფანი - (სვ.), რიტუალური პური. შუა დიდმარხვაში - ოთხშაბათს, თითოეული მოსახლე აცხობს ერთ დიდ პურს, რომელსაც „ფანს“ უწოდებენ. ვახშმად ამ პურს დანით იმდენ ნაწილად დაჭრიან რამდეინ ყანაც აქვს ოჯახს. ამ დროს მამაკაცი მარცხენა ხელით პურს აჭერს დანას, მარჯვენა ხელით კი მარილის სამტვრევ ქვას ურტყამს დანის ყუას თან ამბობს: ასე გაიჭრას ჩემი ყანების მტერი (დაასახელებს თითოეულს). ფანი მიცვალებულის სულის მოსახსენიებელი საკურთხიც იყო.
