ფილიპოვკა

ფილიპოვკა, (პატარა კარწახი, შუათუბანი) – სოფელი ახალქალაქის მუნიციპალიტეტში, კარწახის თემში, ახალქალაქის პლატოზე, ზღვის დონიდან 1835-1900 მ სიმაღლეზე, ქ. ახალქალაქიდან 29 კმ მანძილზე. საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მოსახლეობის რიცხოვნობა – 101. მათი უმრავლესობა (99%) სომეხია (2002). XIX საუკუნეში რუსი სექტანტების აქ დასახლების შემდეგ სოფელს ეწოდა „ფილიპოვკა”. სოფლის ქართული სახელია „შუათუბანი”.