ფილიპსის მრუდი
ფილიპსის მრუდი - (Phillips curve) - ინფლაციური მოთხოვნის მოდელში ასახული მრუდი, რომელიც გამოხატავს ურთიერთკავშირს ინფლაციასა და უმუშევრობას შორის; ფუნქცია, რომელიც ახასიათებს და გრაფიკულად გამოხატავს დამოკიდებულებას უმუშევრობის დონის დინამიკასა (აბსცისის ღერძი) და ფასების დონის დინამიკას (ორდინატის ღერძი) შორის. იგი შესაბამისი სტატისტიკური მაჩვენებლების შემაერთებელი წრფეა. ფილი პსის მრუდი ასახავს უმუშევრობისა და ინფლაციის ალტერნატიულ ურთიერთკავშირს: ინფლაციის მაღალ ტემპს უნდა ახლდეს უმუშევრობის დაბალი დონე და, პირიქით. ამ ორ მაჩვენებელს შორის უკუპროპორციული დამოკიდებულების დასაბუთება ცნობილია „ფილი პსის მრუდის“ კონცეფციის სახით და ატარებს ინგლისელი ეკონომისტის, მაკროეკონომიკური თეორიის სფეროში თვალსაჩინო მკვლევრის ა. ვ. ფილიპსის სახელს. ფილიპსის მრუდი გამოხატავს რეალური მეპ-ის პოტენციურიდან გადახრას. პრაქტიკამ ცხადყო, რომ ფილიპსის მრუდის გამოყენება შესაძლებელია მხოლოდ მოკლე პერიოდის სიტუაციის რეგულირებისათვის. გრძელვადიან პერიოდში კი მისი გარე ეფექტი საწინააღმდეგოა: უმუშევრობის მაღალი დონის მიუხედავად, ინფლაცია ღრმავდება, ინფლაციის გადიდებას კი თან ახლავს უმუშევრობის ზრდა.
