ფიშერის განტოლება
NPLG Wiki Dictionaries გვერდიდან
ფიშერის განტოლება (Fisher equation) - განტოლება, რომელიც გვიჩვენებს, რომ სარგებლის ნომინალური განაკვეთი შეიძლება შეიცვალოს სარგებლის რეალური განაკვეთისა და ინფლაციის ტემპის ცვლილების საფუძველზე. ფორმულით გამოისახება ასე:
- i = r + n
სადაც i სარგებლის ნომინალური განაკვეთია, r - სარგებლის რეალური განაკვეთი, ხოლო n - ინფლაციის ტემპი. ატარებს ამერიკელი ეკონომისტის ირვინგ ფიშერის სახელს. ფიშერის განტოლების თანახმად, ინფლაციის ტემპის 1%-ით გაზრდა იწვევს სარგებლის ნომინალური განაკვეთის გადიდებას 1%-ით. ინფლაციის ტემპსა და სარგებლის ნომინალურ განაკვეთს შორის ამ თანაფარდობას ფიშერის ეფექტი ეწოდება.