ფოკის ეკლესია
NPLG Wiki Dictionaries გვერდიდან
ფოკის ეკლესია – წმ. ნინოს სახელობის დარბაზული ეკლესია (XI ს.), ქართული ხუროთმოძღვრების ძეგლი, ნინოწმინდის მუნიციპალიტეტში. ნაგებია მოვარდისფრო ფერის სუფთად გათლილი ანდეზიტური ტუფის კვადრებით. შემორჩენილია მრავალფეროვანი ჩუქურთმები, ასომთავრული წარწერები და კედლის მხატვრობის ფრაგმენტები. მოხსენიებულია ბაგრატ კურაპალატი. ნაგებობა დაზიანებულია და რესტავრირებულია 1997-2002 წლებში. აქვეა აღმართული 5 მ სიმაღლის „ჯვარი ვაზისა”.
