ფორთოხალი თხელკანიანი
NPLG Wiki Dictionaries გვერდიდან
ფორთოხალი თხელკანიანი - ამ ჯიშის ფორთოხლის ხე საშუალოზე დიდია, 4–5 მეტრის სიმაღლისა, სქლად შეფოთლილია საღი მუქი მწვანე ფოთლებით. ვარჯი ვერტიკალური, სქელი და ხშირტოტიანია.
ნაყოფი დიდია – 6 სმ. სიმაღლის და 7 სმ. დიამეტრის. ნაყოფის წვერი ორმაგრკალიანია; ეთერზეთოვანი ჯირკვლები როგორც ზედაპირული, ისე ჩამჯდარი, ფუძე ჩაწეულია ბორცვიანი და დაღარული ნაპირით.
კანი ღია ნარინჯისფერია. მოფენილია წვრილი ჯირკვლებით. კანი თხელია – 2–3 მმ. ქვედა ფენი ფუყეა, სეგმენტები შედარებით თანაბარია, მახვილსოლისებრი.
წვენი უხვი აქვს, ტკბილ-მჟავე. საწვნე უჯრედები წვრილია, გრძელშოლტიანები.
სირბილე ნაზი კონსისტენციისა, სეგმენტების აპკი საშუალო სისქისაა, თესლი მრავალია, თესლის შიგასაფარი ყავისფერია, ქალაძესთან საფარი მოწითალოა. თეთრი ლებნები მრავალია.