ფრონტების ჯგუფების ოპერაცია
NPLG Wiki Dictionaries გვერდიდან
ფრონტების ჯგუფების ოპერაცია - სტრატეგიული მიზნების მისაღწევად წარმოებული შეტევითი ან თავდაცვითი ოპერაცია.
დაჯგუფების ოპერაციების მიზნებს, ჩვეულებრივ, წარმოადგენდა:
- მოწინააღმდეგის სტრატეგიული დაჯგუფებების განადგურება,
- სტრატეგიული თვალსაზრისით მნივშნელოვანი რაიონების (ზღუდეების) დაუფლება,
- მტრული კოალიციის სახელმწიფოთა ომიდან გამოყვანა.
ისინი ეწყობოდნენ 300-1000 კმ-იან ზოლებში 200-600 კმ სიღრმეზე 12-დან 30 დღემდე და უფრო მეტი ხნის განმავლობაში.
ფრონტების ჯგუფის თავდაცვითი ოპერაციების განხორციელების მიზანი იყო
- ჩაეშალათ მოწინააღმდეგის დაჯგუფებების შემოტევა,
- მიეყენებინათ მათთვის მნიშვნელოვანი ზარალი,
- შეენარჩუნებინათ სტრატეგიული თვალსაზრისით დიდმნიშვნელოვანი რაიონები (ზღუდეები) და შეექმნათ პირობები შეტევაზე (კონტრშეტევაზე) გადასასვლელად.
ფრონტების ჯგუფების ოპერაცია ეწყობოდა 500-800 კმ ზოლებში და გრძელდებოდა 20-დან 100 დღემდე და უფრო მეტ ხანს.