ფსიქრომეტრი
NPLG Wiki Dictionaries გვერდიდან
ფსიქრომეტრი (ბერძ. psychros ცივი და métron გაზომვა) – ხელსაწყო ჰაერის ტემპერატურისა და ფარდობითი ტენიანობის გასაზომად. ძირითადად გამოიყენება მერქნის საშრობ კამერებსა და ჰიდრომეტეოსადგურებში.
არსებობს სამი კატეგორიის: სტაციონარული (სადგურის), ასპირაციული და დისტანციური.
ფსიქრომეტრის მუშაობის პრინციპი დამყარებულია მშრალი და სველი თერმომეტრების მაჩვენებლების სხვაობაზე. ფარდობითი ტენიანობის დასადგენად აუცილებელია ფსიქომეტრიული ცხრილის არსებობა (უმეტეს შემთხვევაში ის ჩამონტაჟებულია თვით ხელსაწყოში).
