ფუნთუშა (მცენარე)
NPLG Wiki Dictionaries გვერდიდან
ფუნთუშა – (Sedum pallidum M. Bieb.); ოჯახი: სქელფოთოლასებრნი (Crassulaceae). ორ ან ერთწლიანი მცენარეა, სიმაღლით 5-30 სმ-მდეა. მცენარე ჯირკვლოვანი ბეწვითაა შემოსილი. ფოთლები რიგ-რიგად არის განლაგებული, მჯდომარე, ნახევრად ცილინდრული. ყვავილედი ქოლგისებურ-ფარისებურია. გვირგვინი თეთრია, ვარდისფერი შუა ძარღვით. ყვ. ნაყ. V-VIII. მცენარე იზრდება მთის შუა სარტყლიდან სუბალპურ სარტყლამდე, მშრალ, ქვიან, კლდიან და ქვიშნარ ადგილებში. კახეთში მცენარის ნახვა შესაძლებელია ქალაქ თელავისა და სოფელ შილდის მიდამოებში. გავრცელებულია მთელ საქართველოში.
