ფუჭფუჭა
NPLG Wiki Dictionaries გვერდიდან
ფუჭფუჭა – (Colitea orientalis Mill.); ოჯახი: პარკოსნები (Fabeceae). 1-2 მ სიმაღლის ბუჩქია, ლეგა, თხლად შებუსული ტოტებით. ფოთლები კვერცხისებურია, 5-6 სმ სიგრძის, შედგება 3-5 წყვილი ფოთოლაკისაგან; ფოთოლაკები უკუკვერცხისებურია ან მომრგვალო, 10-18 მმ სიგრძისა და 80-17 მმ სიგანის, ზედა მხარეზე შიშველი, ქვემოდან შებუსული. ყვავილედი 1-5-ყვავილიანი მტევანია. ყვავილი ნარინჯისფერ-წითელია, უფრო მუქი ძარღვებით. აფრას ძირში ორი ყვითელი ლაქა აქვს. ყვ. V-VI; ნაყ. VI-VII. მცენარე იზრდება კლდოვან და ქვიან ადგილებში, ნახევრად უდაბნოს, ველების, მეჩხერი ტყეებისა და ქსეროფილური ბუჩქნარების ცენოზებში. კახეთში მისი ნახვა შესაძლებელია სოფელ წინანდლის მიდამოებში, ასევე მდინარე გომბორის კლდოვან ნაპირებზე. გავრცელებულია აღმოსავლეთ საქართველოში.
