ქარდუხი ქარდა

ქარდა ქარდუხი

ქარდუხი ქარდა − (1974), ქართველი მწერალი და მთარგმნელი. იგივე ფრიდონ ქარდავა დაიბადა სოხუმში. 1996 წელს დაამთავრა თსუ-ს სოხუმის ფილიალი ისტორიის განხრით. ამჟამად ცხოვრობს ბათუმში. მისი პირველი ნოველა გამოქვეყნდა გაზეთ „აჭარაში” 1994 წელს. ამავე პერიოდიდან აქვეყნებს ამერიკული პოეზიის თარგმანებს. მონაწილეობდა გამომცემლობა „ინტელექტის” პროექტში „ერთი შედევრის ყველა ქართული თარგმანი” (უოლტ უიტმენი, რადიარდ კიპლინგი). 2014 წელს გამომცემლობა „საუნჯემ” გამოსცა მისი რომანი „ძაფზე მოფარფატე სული”. 2015 წელს კი გამოვიდა მისი მოთხრობების კრებული − „ბატიბუტის ჩურჩხელა“.

ემილი დიკინსონი

თარგმნა ქარდა ქარდუხმა

სულო, ისევე ხომ არ დამტოვებ?

ხომ არ გარისკავ ისევ იმავეს,

ათასებმა რომ დაკარგეს თავი

ათეულებმა კი გაიმარჯვეს –

ანგელოზნი რომ სუნთქვაშეკრულნი

წილისყრისათვის სიაში გწერენ,

ეშმაკები კი ფარულ სხდომაზე

პირსნერწყვმომდგარნი ელიან შედეგს.

წყარო

ქართველი პოეტები (ენციკლოპედია)