ქვრივა

ბიბურეცი (ქვრივა) Petroleuciscus borysthenicus

ტიპი: ქორდიანები
კლასი: სხივფარფლიანი თევზები
რიგი: კობრისნაირნი
ოჯახი: კობრისებრნი

სხივფარფლიანი თევზის სახეობა კობრისებრთა ოჯახიდან. ზურგის ფარფლი მოკვეთილი ან ოდნავ მომრგვალებულია. ანალური ფარფლი, როგორც წესი, მომრგვალებულია, მაგრამ ზოგჯერ გვხვდება ეგზემპლარები მოკვეთილი ანალური ფარფლით (მაგრამ არასოდეს არაა ამოკვეთილი). მისი სიგრძე, ჩვეულებრივ, სიმაღლეს ჭარბობს, მაგრამ შეიძლება ტოლი იყოს ან ნაკლები. წინაპირიანია, პირი პატარაა. მისი წვერო თვალის ქვედა მესამედზე ან შუა დონეზეა. თვალის დიამეტრი 3-3/4 იშვიათად 4-ჯერ თავსდება თავის სიგრძეში. შუბლი ბრტყელი, ახალგაზრდებს კი ოდნავ ამოზნექილი აქვთ. მუცელი, მუცლის ფარფლების უკან, გვერდებიდან შებრტყელებული არ არის. კუდის ფარფლი მოკლეა, მცირედ ამოკვეთილი, მისი ქვედა ლაპოტი თავზე მოკლეა. თავის. სიგრძე სხეულის სიმაღლეზე ნაკლებია, იშვიათად მისი ტოლია. ხახის კბილები (გრძელი მწკრივი) პატარა ეგზემპლარებს ოდნავ ნაოჭიანი აქვთ, დიდრონებს კი სრულიად სადა (გლუვი) 2,5-5,2; 1,5- 5,2; 1,4-5,2; 3,5 – 5,2 ან 2,6- 5,2, ანდა 2.5-4,2-ია, სიგრძით 82-144 მილიმეტრამდე აღწევს.

ზურგი მუქია. გვერდების ზედა ნაწილში ყოველი ქერცლის ძირში მურა ლაქაა. გვერდების გასწვრივ სხეულის უკანა ნაწილში მუქი ზოლი გაყვება ტოფობის პერიოდში მუცლისა და ანალური ფარფლები მკაფიო ნარინჯისფერისაა.

გავრცელება

ქვრივა გვხვდება დნეპრისა და დნესტრის ქვედა წელში, ყუბანის დელტაში, ბულგარეთის მდინარეებში, მარმარილოს ზღვაში და მცირე აზიაში.

საქართველოს ფარგლებში გავრცელებულია: ინკიტის ტბაში, ახალ ათონში (აფხაზეთში), პალიასტომის ტბაში რიონის შესართავთან, ნურიისა და სხვა ტბებში (ბათუმთან).

ტოფობა

ტოფობა მაისის მეორე ნახევრიდან იწყება და ივნისის ბოლომდე გრძელდება.

ნაყოფიერება საშუალოდ 2500 ქვირითამდე აღწევს. საცხოვრებლად დამდგარ და ნელა მიმდინარე წყალსატევებს ირჩევს.

წყარო

საქართველოს თევზების სარკვევი