ქრონიკა
NPLG Wiki Dictionaries გვერდიდან
ქრონიკა – (ბერძნ. χρόνος – დრო, ჟამი) – ეპიკური ან დრამატიული ნაწარმოები, რომელიც ხასიათდება ცხოვრების მოვლენების (უპირატესად ისტორიული მოვლენების) დოკუმენტური მხატვრული წარმოსახვით. ქრონიკა შეიძლება იყოს სამეცნიერო ხასიათისაც, მაგ., თედო ჟორდანიას „ქრონიკები“.
გაზეთებსა და ჟურნალებში ქრონიკის სახელწოდებით თავსდება მოკლე ცნობები საზოგადოებრივი ცხოვრების მიმდინარე საკითხებზე. ქრონიკას უწოდებენ აგრეთვე მოკლემეტრაჟიან დოკუმენტურ ფილმს.
ძველად ქრონიკებს უწოდებდნენ ქვეყნის ისტორიულ ვითარებათა თანმიმდევრულ აღწერებს.
