ქუთათელაძე ბადრი

ბადრი ქუთათელაძე

ქუთათელაძე ბადრი − (1949), ქართველი პოეტი, ფილოლოგი. დაამთავრა თბილისის სახელმწიფო პედაგოგიური ინსტიტუტი 1976 წელს. 2000 წლიდან იყო თბილისის მერიის კულტურის საქალაქო სამსახურის პირველი მოადგილე; ენციკლოპედია „თბილისში” გამოყენებულია მასალა მისი წიგნიდან „პოეზია ქვაში - თბილისის ქანდაკება” (2000). გამოცემული აქვს კრებულები: „ეს ზამთარიც ჩაილია” (1990), „სარკმელი” (1997), „შენზე მიოცნებია” (2009).

* * *

ყველაზე მეტად მრცხვენია ჩემი...

(საკუთარ სულსაც სჭირდება მოვლა...)

ეს მეშვიდეა, მეშვიდე წელი,

თითქოს არა ვარ და თითქოს რომ ვარ...

ქუჩაში ქარი დაეძებს ბინას

და უმიზეზოდ აწვალებს ფოთლებს,

მე გული − არა, ნეკნები მტკივა

გარდაცვალების ჩემის ვარ მოწმე!...

ყველაზე მეტად მრცხვენია ჩემი...

და პატიებას ვერ ითხოვს გული,

რადგან დაკარგა ამ ქუჩამ ძველი

ალუბლის ფერი და ვარდის სუნი!...

წყარო

ქართველი პოეტები (ენციკლოპედია)