ღორის სოკო

ღორის სოკო (ლათ. Paxillus involutus (Fr) Fr. რუს. Свинушка тонкая)

ქუდი – 5-15 სმ-მდე და მეტი დიამეტრისაა, ჯერ ამობურცულია, შემდეგ – ჩაზნექილი და ძაბრისებრი, კიდეები ღრმად შეკეცილია შიგნით და ქეჩისებრია, მოყვითალო-მურაა. ფირფიტები – დაღმავალი და დატოტვილი, განიერი, ხშირი, ფეხთან ბადისებრია. ჯერ მკრთალი მურაა, შემდეგ კი მუქდება, ხელის დაჭერისას მუქი მურა ხდება.

ფეხი – 5-8X1-3 სმ, ტიტველი, სადაა, ქუდზე ღია ფერისაა, მთლიანია.

რბილობი – მოყვითალო ან მომურო, ჰაერზე მუქდება. მომჟავო გემოთი.

სპორები – 8-10X4,5-6 მკმ, კვერცხისებრ-ელიფსისებური, ჟანგმიწისფერი, სპორების მტვერი – ყავისფერი.

იზრდება ფოთლოვან და წიწვიან ტყეში, ზაფხულში და შემოდგომით. საქართველოში ყველგანაა.

შხამიანი სოკოა, სასიკვდილო შედეგით.

წყარო

საქართველოს სოკოები