ყანის ჩიტისთვალა
NPLG Wiki Dictionaries გვერდიდან
ყანის ჩიტისთვალა – (Asperula arvensis L.); ოჯახი: ენდროსებრნი (Rubiaceae). ერთწლიანი მცენარეა. სიმაღლე – 10-30 სმ, მარტივი ან თითქმის ძირიდანვე დატოტვილი. ღერო 4-წახნაგოვანია, ქვედა ნაწილში ხორკლიანი შებუსვით. ქვედა ფოთლები, რომელთა რაოდენობა არის 4-4, ვიწრო-უკუკვერცხისებურია და მალევე ჭკნება. დანარჩენი ფოთლებიდან 6-8 არის ერთად, ლანცეტა ან ხაზური. ყვავილედი თავაკისებურია. გვირგვინი 5-7 მმ სიგრძისაა. შეფერილობით – თეთრი ან იასამნისფერი. გვირგვინის ნაკვთები კვერცხისებურია. ყვ. ნაყ. V-VIII. გავრცელებულია, ძირითადად, გარე კახეთში, მშრალ ფერდობებზე, ბუჩქნარებს შორის. ნახვა შესაძლებელია გარეჯის მიდამოებში. საქართველოში გვხვდება თითქმის ყველა რეგიონში.
