ყიფშიძე ლია
NPLG Wiki Dictionaries გვერდიდან
ყიფშიძე ლია – (1962), ქართველი პოეტი. დაიბადა თბილისში. დაამთავრა თბილისის 102-ე საშუალო სკოლა, შემდეგ – თსუ-ს ჟურნალისტიკის ფაკულტეტი. მუშაობდა ჟურნალისტად, პედაგოგად, ლექტორად. გამოცემული აქვს ერთი პოეტური კრებული – „დღეს გიღალატებ“ (2018).
- ღვინობისთვე
- ამ დაშაქრულ შემოდგომას,
- ძარღვებში რომ ჩაგვიდგა,
- რომ დაბანგდა, აჩხრიალდა,
- საწნახელის ღარიდან...
- რომელიც რომ შემოგვწყრება
- მალე მარნის კარიდან...
- არ დავლოცოთ?
- წყნარად ვთქვათ რომ
- ღვინობისთვე წავიდა?
- თასები და ჭინჭილები
- თაროზე რომ ჩამწკრივდა
- და ბაბუას შეძახილი
- რომ გვეძახის ზღაპრიდან...
- იმ ბავშვობას ქარვად დამდნარს
- ვენახების ზვარიდან...
- აღარ ავყვეთ? არ ჩავმაჭრდეთ?
- არ ავიჭრათ თავიდან?
- ჩქარა...
- ჩქარა...
- ჩქარა, თორემ....
- ღვინობისთვე წავიდა!
