ყურის გაწმენდა
ყურის გაწმენდა — ყურის გოგირდი, ძირითადად, შედგება დესკვამაციური ქსოვილისაგან, რომელიც, გოგირდმბადი ჯირკვლების პროდუქტთან ერთად, წარმოადგენს გოგირდის საცობს.
ეს მოყვითალო მასა აშკარად დამცავ როლს თამაშობს. თუმცა, უმრავლესობისთვის მისი არსებობა ჰიგიენის ნაკლებობაზე მეტყველებს.
გოგირდის გამომუშავება ინდივიდუალურია და ასაკთან ერთად იკლებს.
ყურის გაწმენდა სასურველია ნიჟარით და გარეთა სასმენი მილის შესასვლელით შემოიფარგლოს. არ არის საჭირო ჩხირებით ყურის ღრმად გაწმენდა, რადგანაც ეს ძალიან ხშირად იწვევს ტრავმებს და ინფექციის შეჭრის მიზეზი ხდება.
გარეთა სასმენი მილის გაწმენდა უნდა იყოს არა ყოველდღიური, არამედ კვირაში ერთხელ და თანაც, სასურველია მოხდეს თხელი ცხვირსახოცით და არა ჩხირით. ბავშვებში ეს პროცედურა ძალიან დიდი სიფრთხილით უნდა განხორციელდეს. სასურველია, სპეციალური დამცავი ჩხირებით.
არ არის საჭირო გარეთა სასმენი მილის საპნით დაბანა და წმენდა.
