შენობის კედელი
NPLG Wiki Dictionaries გვერდიდან
შენობის კედელი – შენობის ძირითადი შემომზღუდავი კონსტრუქცია. განასხვავებენ გარე და შიგა, მზიდ, თვითმზიდ და არამზიდ კედლებს. მზიდი და თვითმზიდი კედლები გადაცემენ დატვირთვას უშუალოდ საძირკველს. არამზიდი კედელი ემაგრება შენობის სხვა კონსტრუქციებს, ჩვეულებრივ სვეტებს, რიგელებს ან გადახურვის ფილებს. ამოყვანის წესის მიხედვით შენობის კედელი არსებობს: ანაკრები (მსხვილპანელოვანი ან მსხვილბლოკოვანი); მონოლითური (ძირითადად ბეტონის) და ხელით ასაშენებელი (წვრილბლოკოვანი).
