შირმანი რომან
NPLG Wiki Dictionaries გვერდიდან
რომან შირმანი – უკრაინელი რეჟისორი, სცენარისტი, მწერალი და პედაგოგი (დაიბადა 1952 წელს კიევში).
1983 წელს რომან შირმანმა დაამთავრა ВГИК-ის (საკავშირო კინოისტიტუტი) სარეჟისორო ფაკულტეტი დოკუმენტური კინოს განხრით. მუშაობდა კიევის „სამეცნიერო–პოპულარული და დოკუმენტური ფილმების” სტუდიაში. მისი დოკუმენტური ფილმი მიძღვნილი სერგო ფარაჯანოვისადმი – „საშიშად თავისუფალი ადამიანი” მრავალი კინოფესტივალის უმაღლესი ჯილდოს მფლობელია.
ავტორია წიგნებისა „სატელევიზიო რეჟისურა” და „რეჟისურის ალქიმია. მასტერკლასი”.
უკრაინის ხელოვნების დამსახურებული მოღვაწე.
ფილმოგრაფია:
- 1987 – „თბილი პური” (დოკ. ფილმი)
- 2005 – „საშიშად თავისუფალი ადამიანი” (დოკ. ფილმი)
- 2008 – „შესაქცევი ზღაპარი” (მხატვრული ფილმი)
- 2015 – „ამიერიდან მეყვარები”
და სხვ.
