შიფრი (სამხედრო ტერმინი)
NPLG Wiki Dictionaries გვერდიდან
შიფრი (ფრანგული chiffre – ციფრი) – საიდუმლო ინფორმაციის შინაარსის გარდაქმნის ხერხი, რომლის გამოყენებითაც არაკანონიერი მომხმარებლისთვის მიუწვდომელი ხდება ინფორმაცია კავშირგაბმულობის ტექნიკური საშუალებებით ან საფოსტო გზავნილების სახით გადაცემის დროს.
შიფრის რეალიზაციისთვის გამოიყენება დასაშიფრი მანქანები, გამოთვლითი ტექნიკის აპარატულ-პროგრამული საშუალებები და სხვა. ღია ტექსტის კონკრეტული გარდაქმნა დახურულ ტექსტად განისაზღვრება გასაღებით – შიფრის ცვლადი ელემენტით.