ჩიტისბუდა

ჩიტისბუდა (ლათ. Cyathus striatus (Huds.) Wild. რუს. Бокальчик полосатый)

ნაყოფსხეული – ჯერ კვერცხისებრია, შემდეგ – კუბისებრი 1-1,6 სმ სიმაღლისა და 0,8-1 სმ დიამეტრისა, გარედან ჟანგისფერ-ყავისფერია ან მუქყავისფერი, ქეჩისებური ზედაპირით, შიგნიდან ტყვიისფერ-ნაცრისფერია, სიგრძივი ზოლებით. „ბუდის“ კიდეები დაკბილულია, დასაწყისში ხვრელი დაფარულია თეთრი თხელი აპკით, რომელიც შემდეგ ქრება. პერიდოილები („კვერცხები“) ჯერ სფეროსებრია, შემდეგ – კუთხოვანი, შთაბეჭდილება რჩება მინიატურული კვერცხებიანი ჩიტის ბუდისა.

სპორები – წაგრძელებული და ელიფსისებრია, სადა ზედაპირით, 18-22X8-12 მკმ.

იზრდება ტყესა და ბაღებში დამპალ ხეებსა და ნიადაგზე ზაფხულ- შემოდგომით. საჭმელად უვარგისია.

წყარო

საქართველოს სოკოები