ჩიტისთავა
NPLG Wiki Dictionaries გვერდიდან
ჩიტისთავა - (Gagea commutata K. Koch); ოჯახი: შროშანისებრნი (Liliaceae). მრავალწლიანი ბოლქვიანი მცენარეა. ძირის ფოთოლი – 2. ღარისებური, უხეში. საყვავილე ღერო 20 სმ-მდე სიგრძისაა. ყვავილედის ძირის ფოთლები ხაზურ-ლანცეტაა, არათანაბარი ზომის. ყვავილსაფრის ფოთლები შიგნიდან ყვითელია, გარედან – მწვანე. ყვ. ნაყ. IV-VI. ველებისა და ნახევრად უდაბნოების მცენარეა. კახეთში მისი ნახვა შესაძლებელია ტარიბანაზე, ვაშლოვანის დაცულ ტერიტორიაზე. ცნობილია აგრეთვე ქართლსა და ჯავახეთში.
