ჩხარტიშვილი რევაზ

რევაზ ჩხარტიშვილი – (1934-2015), ქართველი პოეტი და პუბლიცისტი. დაიბადა 1932 წლის 25 იანვარს, ოზურგეთის რაიონის სოფელ ჯუმათში. უმაღლესი ფილოლოგიური განათლება მიიღო ბათუმის შოთა რუსთაველის სახელობის სახელმწიფო პედაგოგიურ ინსტიტუტში.

რევაზ ჩხარტიშვილს, 21 წლის სტუდენტს ამბორით ლექსი დაულოცა პოეზიის მეფემ – გალაკტიონმა. ეს იყო 1953 წლის 25 ოქტომბერს, ბათუმის პედაგოგიური ინსტიტუტის სააქტო დარბაზში. პირველი ლექსიც იმავე წელს დაიბეჭდა ალმანახ „ტალღაში“.

რევაზ ჩხარტიშვილი ავტორია პოეტური კრებულებისა: „რაც ვერ გითხარი“ (1971), „ვინმეს თუ უყვარხარ“ (1993), „რომ მიყვარდე“ (1997), „თუ გიფიქრია“ (2002).

ეწეოდა მთარგმნელობით საქმიანობას. ნათარგმნი აქვს - ესენინის, ცვეტაევას, ახმატოვას, სიმონოვის ლექსები.

რევაზ ჩხარტიშვილის ლექსები თარგმნილია რუსულ ენაზე. 35 წელი იმუშავა ქართული ენისა და ლიტერატურის მასწავლებლად, სხვადასხვა სოფლებში.

გარდაიცვალა 2015 წელს. დაკრძალულია მშობლიურ სოფელში.

წყარო

საინფორმაციო ცნობარი აჭარაში მოღვაწე მწერალთა შესახებ