ცეცხლაძე მინდია

მინდია ცეცხლაძე – ქართველი პოეტი, ფილოლოგიის დოქტორი (ლიტერატურათმცოდნე), დაიბადა 1987 წლის 14 თებერვალს. 2004 წელს დაამთავრა ბათუმის ინფორმაციული ტექნოლოგიების ლიცეუმი, 2008 წელს – ბათუმის შოთა რუსთაველის სახელობის სახელმწიფო უნივერსიტეტი (ბიზნესის ადმინისტრირების ფაკულტეტი, სპეციალობა – საფინანსო, საბანკო და სადაზღვევო საქმე). 2013 წელს დაამთავრა ამავე უნივერსიტეტის მაგისტრატურა (სპეციალობა – „ლიტერატურათმცოდნეობა და ლიტერატურული თეორია“).

არის ცხრა სამეცნიერო სტატიის ავტორი.

გამოცემული აქვს ლექსთა კრებული „ცეცხლის ქარები“ (2008). მისი ლექსები შეტანილია ერთობლივ კრებულებში: „მოზაიკა“, „მეცხრე ტალღა“, „ლექსო არ დაიკარგები“, „მერანი“, „ლექსების გამოფენა“. იბეჭდება ქართულ პერიოდულ ჟურნალ-გაზეთებში.

2011 წელს, ამიერკავკასიის ახალგაზრდა პოეტთა კონკურსში გამარჯვებულს მიენიჭა ვაჟა-ფშაველას სახელობის პრემია; 2014 წელს პირველი ადგილი მოიპოვა საქართველოს ახალგაზრდა ხელოვანთა ასოციაციის („ეგო არტ“) კონკურსში და დაჯილდოვდა შესაბამისი პრემიით.

სხვადასხვა დროს მუშაობდა: შპს „ოცნების“ ფინანსური მენეჯერის ასისტენტად, მმართველობითი აღრიცხვის მენეჯერად, პროექტში – „ქართული ენის ეროვნული კორპუსი“ - ტექნოლოგიური ჩარჩოს შექმნა (პოზიცია – დიგიტალიზატორი), ბათუმის სახელმწიფო უნივერსიტეტის სტუდენტთა ლიტერატურული ჟურნალის („ინტეგრალი“) სარედაქციო საბჭოს წევრად. 2017 წლის ოქტომბრიდან სამუშაოდ გადავიდა გრიგოლ რობაქიძის სახელობის ბათუმის წარმომადგენლობაში, პროფესორის ასისტენტად. 2018 წლიდან ამავე წარმომადგენლობის მოწვეული ლექტორია.

წყარო

საინფორმაციო ცნობარი აჭარაში მოღვაწე მწერალთა შესახებ