ცეცხლის ცხრილი
NPLG Wiki Dictionaries გვერდიდან
ცეცხლის ცხრილი – საბრძოლო დოკუმენტი, რომელიც განსაზღვრავს საარტილერიო ქვედანაყოფების (ნაწილების) მიერ მოწინააღმდეგის ცეცხლით დაზიანების ამოცანებს და მათი შესრულების თანამიმდევრობას. შეტევაში ცეცხლის ცხრილი დგება მოწინააღმდეგის ცეცხლით დაზიანების პერიოდების და საერთო-საჯარისო ნაწილების (ქვედანაყოფების) ამოცანების მიხედვით, თავდაცვაში – მოწინააღმდეგის განადგურების (მოწინააღმდეგის წინ წაწევის და გაშლის ცეცხლით ხელის შეშლა, შეტევის ცეცხლით მოგერიება, თავდაცვაში მყოფი ჯარების ცეცხლით მხარდაჭერა) და საერთო-საჯარისო ნაწილების (ქვედანაყოფების) ამოცანების მიხედვით.
