ცისთვალა

ცისთვალა - (Scilla siberica Haw.); ოჯახი: სატაცურისებრთა. მრავალწლიანი ბალახოვანი მცენარეა, ღერო 10-20 სმ სიმაღლისაა, წახნაგოვანი. ფოთოლი – 2-4, მოყვანილობით ფართო-ხაზური. ყვავილები ლაჟვარდოვანი ლურჯი-იისფერია, მუქი შუა ზოლით; ყვავილის ყუნწები თავდახრილია. ყვ. ნაყ. III-V. იზრდება ტყის სარტყელში, ტყის პირას, ბუჩქნარში, მდელოებზე. კახეთში მისი ნახვა შესაძლებელია ყველგან.