წვეტურა სახურავი
NPLG Wiki Dictionaries გვერდიდან
წვეტურა სახურავი (ინგლ. gable roof) – ორფერდა სახურავი, რომლის ფერდები დახრილია გარე კედლების მიმართ. სახურავის სამი ძირითადი ფორმიდან (ცალფერდა, ორფერდა ანუ წვეტურა და ოთხფერდა) ყველაზე მეტად გავრცელებულია ორფერდა (წვეტურა) სახურავი, რასაც განაპირობებს აგების სიმარტივე და სხვენის მოწყობის შესაძლებლობა. წვეტურა სახურავი ტორსულ ნაწილებში ბოლოვდება სამკუთხა წვეტიანი ფრონტონებით, საიდანაც მოდის მათი დასახელება. სხვენის განათება და განიავება ხდება ფრონტონის ფანჯრებიდან ან ფერდებზე განთავსებული სამერცხულებიდან.
