წვეტურა ფრონტონი
NPLG Wiki Dictionaries გვერდიდან
წვეტურა ფრონტონი – ფრონტონი, რომელიც შედგება ორი დახრილი ფერდისგან და არ აქვს ჰორიზონტალური კარნიზი. პირველად მისი გამოყენება დაიწყეს ძველ რომში, როცა სათავსის გასანათებლად ფრონტონის სიბრტყეში სვამდნენ ნახევადწრიულ ფანჯრებს. შემდეგ გავრცელდა ჩრდილოეთის ქვეყნებში, სადაც დიდთოვლობის გამო საბინაო მშენებლობაში მასობრივად დაიწყეს დიდქანობიანი სახურავების გამოყენება.
