წითელი ლამბაქა
NPLG Wiki Dictionaries გვერდიდან
წითელი ლამბაქა (ლათ. Aleuria aurantia (Fr.) Fuck, რუს. Пецица оранжевая),
ნაყოფსხეული – ლამბაქის ფორმისაა, 3-6 სმ დიამეტრისა, შიგნითა ზედა ნაწილში კაშკაშა მონარინჯისფრო-წითელია, გარედან უფრო ღია ფერისაა, მოყვითალო ელფერით.
რბილობი – თხელია, ცვილისებრი, მყიფე.
სპორები – ელიფსისებრია 15-20X8-12 მკმ, მარცვლოვან-ხორკლიანი, შემდეგ კი – ბადისებრი ზედაპირით. ჩანთები ცილინდრულია, რომლებშიც 8 სპორაა მოთავსებული.
იზრდება ნესტიან შიშველ ნიადაგზე ტყეში, ღია ადგილზე, გზების გასწვრივ, გაზაფხულიდან შემოდგომამდე.
გამოყენება – ახალი ითვლება საჭმელ სოკოდ. ადვილად შესამჩნევი სოკოა.
