წითური კოლიბია

წითური კოლიბია (ლათ, Collybia butyracea (Fr.) Kumm. რუს. Коллибия каштановая)

ქუდი – 4-8 სმ დიამეტრისაა, განიერი ბორცვაკით, ზედაპირი ტიტველია, თითქოს გაჟღენთილია წყლით, მოწითალო-ყავისფერია. ფირფიტები დაკბილულია, მკრთალი.

ფეხი – 4-8 სმ სიგრძისა და 0,5-2 სმ სისქისაა, ძირში გაგანიერებულია და უხეში ჯაგრით დაფარული, ხრტილოვანია, ქუდის ფერი.

რბილობი – მკრთალი-მურაა.

სპორები – ელიფსისებრი, უფერული, 6-7X3-3,5 მკმ.

იზრდება ნიადაგზე წიწვიან და ფოთლოვან ტყეში ზაფხულ-შემოდგომით. საჭმელად გამოიყენება მხოლოდ ქუდი, ახალი და დამწნილებული.

წყარო

საქართველოს სოკოები